波圖無「迪」必捧讓客 都話咗波圖喺「國家打吡戰」不敵賓菲加之後一定會醒醒定定，果然喺年尾葡聯盃作客照贏里奧艾維，只係稍嫌贏波比數太「僅僅熟」，不過唔緊要啦，嚟到新一年首場葡超佢哋只係作客榜尾嘅基維辛迪，肯定會識做大勝一場開埋「讓客」補番數嘅。（周六33，香港時間周日4:15am開賽） 早場士砵亭上次喺主場贏波已經要數到去上年11月尾咁耐，換言之佢哋仲未喺主場贏波向球迷大派聖誕禮物，好在今次佢哋喺主場只會面對住中游份子艾斯杜尼，聖誕派唔到禮物咪新年再派過囉。（周六29，香港時間周日2:00am開賽）