FC悉尼開細「機」會高 任何球隊對住紐卡素噴射機都可以捧吓，唯獨係FC悉尼就未必可以贏到，呢兩隊頹波相遇真係勝負難料，不過點睇都唔似會有大手交易。（周六1，有線64及203台周六4:30pm直播） 作客嘅噴射機喺近5戰輸足4場，夾埋仲失成12球波咁多，絕對係近期嘅「派分份子」，問題係FC悉尼已經連續3仗都係「0入球」，就算面前有咁多舊肥豬肉都未必食得到啦！再考慮埋今場波係改為喺新南威爾斯舉行，換言之悉尼冇埋主場之利，呢兩隊同時有咁多問題真係好難分到高低，見到呢類「海軍鬥水兵」嘅格局都係捧雙方會冇乜波入開番個「細」好過啦。