勝利上盤「光」明正大

勝利上盤「光」明正大 
 
放完假快車又過晒，全日直播就得下午呢一場澳職賽事，墨爾本勝利今季僅一敗，對手正係剛剛冒起嘅墨爾本城，上仗即時贏波反底；至於珀斯光輝仍居榜首，季內大部分賽事都係僅勝1球，作客其實唔太可靠，估計勝利有主場可有較佳發揮，平半盤道理上穩陣。（周五1，有線61、201台周五4:40pm直播）

兩隊都為今季澳職發揮最佳球隊之一，當中墨爾本勝利打至聖誕前才首次輸波，季內12戰轟入25球極有冠軍相，射手貝利沙未有任何消息話今場唔出得，球隊進攻能力相當有保證，而睇埋佢哋季內主場7戰，共取下6場勝利，而且更每一場保持有入球，今仗面對珀斯光輝根本上有絕對優勢。
我哋早前亦提過，珀斯光輝季初呢一段強勢可唔可以長時間維持，都真係一個大疑問，先睇得失球數據，佢哋12戰入22球失12球，數字上未算突出，而睇埋佢哋贏嘅賽事，9場聯賽勝利有7場都係僅贏1球，而且6場作客賽事只得3場勝仗，可以講佢哋實力同排名可能不成正比，而今場墨爾本勝利更加係佢哋季內作客最難打嘅對手。

光輝對賽往績輸蝕

最後翻查往績，光輝近年對住勝利可以話全無辦法，近5次對碰成績係2負3和，近3戰都係喺主場出擊依然贏唔到，包括年初輸1:2，以及10月尾澳足盃僅和勝利2:2，踢法明顯被食住之下，勝利讓平半盤有計。