比蘭倫斯上盤剪「布」

比蘭倫斯上盤剪「布」
 
葡超今晚首先重開，其中比蘭倫斯會喺主場迎戰科英布拉大學。比蘭倫斯歇冬前表現遠喺客軍之上，今晚僅讓平半預計要贏波贏盤唔難。（周五4，足智彩周六4:30am網上文字直播）
比蘭倫斯歇冬前聯賽排第7位，雖然12月輸晒俾賓菲加同布拉加，但對住其餘球隊全數保持不敗；值得一提，佢哋主力如迪維臣、米古爾路沙近期稍見下滑，依家唞夠晒重新出發，料可重振雄風，初盤少讓平手、半球合理。
科英布拉大學歇冬前排第17位，即聯賽尾2降班區域，今季演出係點各位讀者相信心中有數；講真科大今季至所以搞成咁，除咗部份主力季初被撬走外，客場賽績完全失準亦係主因，今季7戰當中輸咗5場，包括大敗俾里奧艾維之流，受讓都冇用。
智甲亦準備重開首戰奧希金斯會對卡拉雷聯。奧軍首席殺手養傷一季終於復出，對球隊必有幫助。相反卡拉雷聯方面卻有主力射手賓尼加斯轉投智利大學，一來一回梗係捧主隊。（周五5，香港時間周六7:00am開賽）