車士打菲特可得「米」   英足盃今晚仲有場全甲組大戰，由米爾頓凱恩斯主場對車士打菲特，米爾頓凱恩斯係一支今季幾大上大落嘅球隊，對上8戰佢哋贏4場，當中兩場分別大炒高車士打6:0及奧咸7:0，好明顯呢隊波一打得順嘅話，攻勢會勁到好似倒水咁一發不可收拾，不過佢哋都係欺善怕惡多，季內4場敗仗都負前列份子，撞正今晚車士打菲特都算有啲能力，睇嚟米爾頓凱恩斯都唔係咁容易過關。（周五3，香港時間周六3:45am開賽） 其實呢場並唔係第3圈賽事，而係一場第2圈賽事重賽，不過重賽唔係因為打和，而係因為車士打菲特當時派出不附資格球員上陣而被勒令重賽，而嗰場賽事車士打菲特作客以1:0擊敗米爾頓凱恩斯，既然重賽都重係受讓，真係冇咩理由唔捧客軍。