卡迪夫開大機會「高」   英格蘭足總盃打到今晚都仍然有兩場賽事進行，當中卡迪夫城可能為大家比較熟識嘅球隊，可惜佢哋有個無良班主，球迷日日叫佢下台班球員都冇癮，近5戰3和2負士氣直插谷底，高車士打今季表現更沉，喺英甲都打到尾二位置，老實講呢場波雙方都冇太多贏波本錢，揀注入球大睇兩邊點玩好過啦！（周五2，香港時間周六3:45am開賽） 兩隊唔識贏，但今場依然捧入球大原因，在於兩隊近戰都出現大量入球，近4戰，卡城入8球失13球，方祖以及堅韋尼鍾斯等大家熟悉球員，腳風都頗順，保持呢個數據今場開幾次大都得。至於高車士打今季亦不時大敗，早前對米爾頓凱恩斯竟被炒0:6，呢場道理上主隊係有實力上優勢，但可能半場已有兩三個入球，中咗安心早啲瞓覺。