曼城讓主「特」別介紹

曼城讓主「特」別介紹
 
曼城上場英超大意失荊州，今晚返主場出戰新特蘭，肯定會打醒十二分精神，適逢黑貓呢期狀態同戰績低迷，預計會成為炮灰，所以足智彩開讓球主客和，藍月亮讓兩球都可以照捧「讓主」。（周四7，now622台周四11:00pm直播）
領先兩球之下被升班馬般尼追成2:2平手，曼城唔止錯失追近車路士嘅機會，連打破球會最長連勝紀錄嘅願望亦都落空，但係呢支富豪球會勝在人腳充裕，就算阿古路同埋迪斯高養傷，費蘭度又要停賽，曼城都仲有大把貨，事關大衛施華復出後表現理想，另一射手祖維迪亦已經傷癒，加上占士米拿客串前鋒總算做到領隊柏歷堅尼嘅要求，大家唔使擔心藍月亮會唔夠火力。
新特蘭都有法國後衛雷維利尼同埋荷蘭左閘雲安荷特倦勤，而門將彭迪利蒙就會倒戈，問題係黑貓呢期戰績好差，近兩仗只能取得1分，包括喺主場不敵侯城1:3，另外作客同阿士東維拉悶和0:0，進攻能力唔夠之餘，防守亦俾唔到人信心，加上喺對賽往績方面，新特蘭近6次作客藍月亮只取得2和4負劣績，今仗受讓兩球都冇著數。