曼聯上盤「篤」定收錢

曼聯上盤「篤」定收錢
 
史篤城同埋曼聯會喺元旦日踢英超早場，主隊史篤城嘅近況雖然唔錯，不過紅魔鬼現時真係上晒力，近9場聯賽獲7勝2和不敗佳績，是役讓半球、一球簡直濕濕碎，買上盤「篤」定等收錢。（周四3，now621台周四8:45pm直播）
由麥克曉士執教嘅史篤城最近連贏兩場，頻密嘅賽程似乎冇影響球隊發揮，可惜迪奧拿坦泰斯拿、薛維爾、奧丹維治同埋域陀摩西斯繼續因傷倦勤，約拿芬禾達斯就啱啱病癒，唔知趕唔趕得切落場，單靠保贊一個衝鋒陷陣好難製造威脅。
曼聯嘅傷兵都唔少，費蘭尼、戴利白蘭特同埋迪馬利亞等人都會倦勤，不過盛傳會被借走嘅贊奴沙同埋安達靴里拉就報稱傷癒，基斯史摩寧同埋拉菲爾達斯華更加復出咗，領隊雲高爾喺調動方面唔需要咁頭痛。事實上，曼聯近9場聯賽獲7勝2和不敗佳績，上場作客熱刺亦都贏盡形勢，攞唔到3分只係欠運，但只要朗尼同埋尹佩斯可以保持水準，再配合法卡奧嘅級數，紅魔鬼嘅進攻線絕對令人望而生畏，所以曼聯讓半球、一球唔使驚，買上盤「篤」定等收錢。