車仔“熱”捧

車仔“熱”捧

今日係二○一五年一月一日元旦日，首先祝各位波友一年勝過一年。

英超今晚進入第二循環比賽，壓軸戲上演倫敦打吡大戰，由熱刺火併車路士。上月初首循環碰頭，熱刺作客大敗○比三，加上近十次對賽，熱刺未贏過兼有五場敗陣，似乎對住車仔冇運行，格食格唔到你唔信。就算今仗有主場之利，熱刺亦不宜睇好。半程冠軍嘅車路士繼續被曼城苦苦相逼，要保住“一哥”位置，勢必全力爭勝。初盤車路士讓半球／一球，捧車仔可再度拔“刺”全取三分。

近五戰四勝一和，熱刺狀態都算保持得相當穩定，可惜進攻方面始終欠缺銳利性，上場對住曼聯攻勢寥寥可數，難怪前列球隊當中係入球最少一隊，至於防守亦唔見得穩健，反映出球隊攻守仍欠缺均衡，要挑戰車仔無疑未夠能力。 車仔近四場聯賽作客共失七分，原因係對住修咸頓、紐卡素及新特蘭都屬於比較剛烈球隊，作客失分唔出奇；熱刺踢法比較柔，對車仔嚟講完全啱食，所以每次交手，熱刺都係處於下風。今仗一於捧車仔至少可執半個盤。

推介：車路士2:1