阿聯上盤揚「威」海外

阿聯上盤揚「威」海外
     
澳職喺2014年最後一日都唔休息，並且由阿德萊德聯對威靈頓鳳凰上演前列大戰，球迷唔使怕悶啦，考慮到阿德萊德聯今屆演出穩定，而且對賽往績佔優，讓半球、一球上盤可揚「威」！（周三1，有線64及203台周三4:30pm直播）
阿德萊德聯上仗以3:0輕取FC悉尼，入球球員包括迪捷特、柏保路山齊士同埋馬比，相信球迷都好滿意呢份聖誕禮物，畢竟佢哋早前不敵紐卡素噴射機，只因喺澳洲足總盃擊敗珀斯光輝後未回魂，依家全隊將注意力集中番去澳職，勢成列強嘅心腹大患。阿德萊德聯目前陣中冇乜主力受傷，正選門將加利高域、後衛法比奧費拉拿、戴恩麥高雲、中場干斯坦度普路斯、卡路斯卡、奇治葛雲、前鋒沙治奧施里奧、柏保路山齊士同埋上仗入波嘅迪捷特都可以候命，教練甘巴爾大把籌碼喺手，主場目標肯定係直指3分。

鳳凰作客阿聯五連敗

威靈頓鳳凰近況都唔差，已經累積5戰不敗，當中更取得4勝1和，包括擊敗墨爾本城、紐卡素噴射機、FC悉尼同埋西悉尼流浪者，另外賽和中岸水手，兩位主力基舒拿同埋尼敦般斯嘅腳風都好順，無奈威靈頓鳳凰過往作客阿德萊德聯成績極差，連埋澳足盃同澳職在內，佢哋作客到此已經累積5連敗，上屆更加試過慘敗1:5，所以足智彩今仗開出讓球盤，阿德萊德聯讓半球、一球絕對捧得過，上盤當係新年禮物啦！