富咸上盤「禮」尚往來    英冠星期一晚上演獨腳戲由富咸喺主場迎戰白禮頓。兩軍冇幾耐前已碰過頭當時富咸作客都贏波，依家白禮頓仲要係無帥之師，主隊讓平半信心十足。（周一4，香港時間周二4:00am開賽） 富咸喺日前作客0:2輸俾一哥般尼茅夫，但睇番佢哋之前可以連贏列斯聯以及錫周三兼保持清白之身，球隊近況絕對唔差得去邊；事實上，富咸陣中哥倫比亞射手洛達列加近況大勇，近6戰4場有入波，另季初以高價加盟嘅羅斯麥哥馬克，似乎亦開始適應環境，喺對錫周三比賽先開紀錄，今晚加埋主場之利，初盤讓平半合理。 白禮頓唔經唔覺已7場不勝，跌到落聯賽第23位，難怪教頭希比亞都要呈辭；要注意兩軍11月尾其實碰過頭，當時白禮頓主場都輸1:2，依家白軍又仲未搵到教練，無帥之師要偷雞好困難。