撐史雲斯下盤獲「利」

撐史雲斯下盤獲「利」

符符碌碌喺拆禮物日贏波嘅利物浦，今晚返晏菲路主場作賽，相信唔會再咁好彩喇，事關佢哋嘅對手係實而不華嘅史雲斯，肯定有排捱，讓半球、一球冇說服力，捧天鵝兵團開下盤獲「利」。（周一3，now621台周二4:00am直播）

利物浦近3場不敗，合共取得2勝1和，睇落好似重回正軌，但有跟開佢哋比賽嘅球迷，應該知道利記係十分符碌，就以拆禮物日贏般尼1:0為例，球隊大部份時間受壓，僅憑史達寧一次突破得手，呢一招對住升班馬就得，如果遇着有番咁上下實力嘅對手，都幾難重施故技再靠運氣。副選門將巴利鍾斯受傷，意味住米洛列特會重返正選行列，但呢位比利時門將喺般尼一戰後備登場都蝦碌百出，好難令人投信心一票，而且中前場方面，謝拉特年紀唔細，要佢喺快車賽程連續兩仗擔正真係好勉強，90分鐘難捱。

史雲斯回勇兩連勝

史雲斯近況都唔差，近兩仗連勝侯城同埋阿士東維拉，奇誠庸同埋基菲爾施古臣腳風都唔錯，後者更被選為上一輪英超最佳11人之一，雖然謝法臣蒙迪路同埋里安比頓因傷未能隨軍去默西賽特郡，不過曾效力阿仙奴嘅門將法比安斯基一早坐完波監，後防有佢喺度當堂定好多，難怪天鵝兵團已經連續兩場比賽保持不失。

史雲斯作客往績佳

對賽往績方面，利物浦喺晏菲路主場對史雲斯未見有優勢，近5次交手都係取得3勝2和1負，勝率只係五十個百份點，亦即係一半，上屆英超主場就險勝4:3，開咗個「主其他」，過程相當驚險，故此足智彩開讓球盤，紅軍讓半球、一球根本冇說服力，就算贏到波都好難贏晒個盤，既然係咁，何不捧近兩場都不敗嘅史雲斯開下盤呢？