紅軍難食鵝

紅軍難食鵝

英超第十九輪最後一場比賽，由利物浦單挑史雲斯。兩隊目前緊守八、九位，仍有機會爭上前四位置。

紅軍壓力比較大，話晒都係傳統勁旅兼上季亞軍。可惜近況表現依然差強人意，近六戰只得兩勝，所贏對手只在聯賽盃擊敗英冠球隊般尼茅夫，以及上場聯賽險勝排尾二嘅般尼。好老實講句，以目前呢班人腳及整體發揮，真係唔睇好紅軍最終可以殺到入前四名。上場對住般尼，多名球員都在水準之下，“謝隊”、盧卡斯、拉蘭拿及沙高等表現平平無奇，唯一亮點只有入波功臣史達寧。今場對住實力不容忽視嘅史雲斯，紅軍根本毫無贏波把握。

史雲斯上季作客晏菲路球場，與紅軍合演一場相當精彩激烈大戰，最終白天鵝以三比四敗陣。今戰重臨舊地，誓要一洗前恥。陣容方面，進攻三大核心：施古臣、蒙迪路及邦尼上場經已復出，要攻破“騰雞王”史克迪爾為首嘅防線，的確話咁易。初盤利物浦讓半球／一球，今季主場只贏過一場盤嘅紅軍，真係癩蛤蟆想食天鵝肉。

推介：和波2:2