維拉上盤破舊立「新」 維拉同新特蘭會喺今晚英超碰頭。前者近期主場迫和曼聯，日前雖然輸俾史雲斯，但其實製造到唔少機會，若非對手門將法比安斯基表現太好，擋出賓迪基等埋門，球隊早已再度搶得分數，計數佢哋今晚返主場出擊可睇高一線，讓平半值捧。（周日5，now625台周日11:00pm直播） 新特蘭日前意外主場輸俾侯城，仲要輸到1:3大敗；事實佢哋近排對強隊成日搶到分，但其實係一味靠守，可能對番同級隊伍要攻就唔識點應付；再翻查往績，黑貓近6次對住維拉竟然得3和3負，完全被對手食住下，隨時有連敗可能。