紐卡素平盤惹人「愛」

紐卡素平盤惹人「愛」
 
英超大部分名牌喺拆禮物日都順利報捷，唯獨愛華頓竟然主場3分全失，馬天尼斯呢個聖誕賽期部署已全數被打亂，反而紐卡素上場作客曼聯擺明求敗，務求返主場全力喺愛華頓身上取分，平手盤買主隊有和冇輸。（周日33，now621台周一12:15am直播）

上場見新特蘭都冇咩落大雪，今場紐卡素主場應該幾好天氣，不過可能好多人都會睇近績賭波唔信「喜鵲」，但咁樣你今場多數錯晒；首先呢個領隊柏度係揀波打嘅領隊，仲要係多數只喺主場博命，季內主場不敵曼城及打吡戰輸俾新特蘭都非戰之罪，而近4場連敗正正有3場係作客，狀態下滑根本係假象。而事實上，紐卡素上場作客奧脫福，根本就冇心求勝，前線用上新仔岩士唐，防線六十幾分鐘就換走杜密特，加上全場僅得3成控球，有幾認真大家有眼睇。
愛華頓快車期4場波先後對修咸頓、史篤城、紐卡素及侯城，道理上主場對史篤城應該最易打，但日前「夫添」出擊偏偏3分盡失，本來馬天尼斯想今場留力再博對侯城一戰，現時部署肯定打亂晒，但如果2日前眾主力全數在陣，下半場亦肯定出現體力問題，所以呢場愛華頓一啲着數都冇，咁都有平手盤買真係好過告士打道跌錢。