些路迪讓主「斯」人醒  蘇超班霸些路迪唔經唔覺已殺番上榜首，今晚主場出擊對手只係讓羅斯郡2球，睇怕都可以順利贏波贏盤。些路迪季初一度喺聯賽落後，但逐漸唔使分心歐洲賽後，依家已殺番上榜首仲有4分優勢，球隊今周更可以喺近10戰8勝主場作賽，級數本已低數級，近5戰得1和4負嘅羅斯郡好難爆冷。（周六3，香港時間周六11:00pm開賽） 另一場推介基爾馬諾克對咸美頓。前者近排完全唔掂，近8場正式比賽得1和7負失17球，近4戰更有3次食白果紀錄，難怪主場都要做冷門。咸美頓近期表現就好得多，已連贏登地同羅斯郡，前線安道奧同安東尼古里亞都甚Fit，平手盤值博。（周六5，香港時間周六11:00pm開賽）