獅吼平手盤必定「中」   澳職雙料娛樂，頭場由中岸水手對布里斯班獅吼。兩隊今季演出都唔穩定，但主隊水手唔經唔覺已經11場正式比賽不勝，期間只入過6球之餘，啱啱更作客1:4大敗俾珀斯光輝，左睇右睇都睇唔到今周有突然反底嘅可能，而球隊今周仲要有米高尼爾因傷缺陣，難怪主場都唔使讓波，開平手盤啦。（周六1，有線64及203台周六2:00pm直播） 布里斯班獅吼今季無疑已冇晒以往霸氣，明顯貝利沙等主力離隊後，球隊級數大幅度下滑；不過爛船始終有三斤釘，獅吼近排分別贏到噴射機、流浪者同阿德萊德聯，而且全部係客場賽事，佢哋今周仲要有主力林巴達拉迪斯及時傷癒復出，出訪中岸只會更添勝算，平手盤要客隊。