修咸頓客勝「宮」心計 近期又回勇嘅修咸頓，今晚將出訪倫敦對韋斯咸。「修頓」上輪主場3:0大破愛華頓，相信球員士氣可以一鋪返晒嚟，陣容上唯一擔心係杜辛泰迪治未必趕及復出，但客勝有分頭冇理由唔博一博。（周五7，now625台周五11:00pm直播） 水晶宮今季一直解決唔到一個問題，就係前線把握力欠佳，球隊如恩歷克波拿斯等都有級數，但無論查馬克或費沙甘保都係信唔過，呢點近由佢哋近4戰僅入1球已足夠證明，球隊今周更可能連查馬克都要倦勤，想反底睇怕只會更為困難。