哈化平手盤好「芬」頭   德甲今晚有哈化柏林出場迎戰賀芬咸。哈化近況算係可以接受，最緊要係賀芬咸成日有前冇後客場戰績又差，平手盤撐主隊有着數。（周日20，有線61、64、201及203台周日10:30pm直播） 哈化過去周中作客法蘭克福，喺領先4:2下最終被迫和，如果單從戰況睇梗係覺得佢哋有問題，但從另一角度出發，可以作客幾乎大炒法軍其實都算叻仔，如果汲取到教訓，咁今次應該可以攞3分；再講，哈化主場之前贏到多蒙特，鬥拜仁亦只係僅輸一球，平手盤冇理由唔捧場。 賀芬咸今季俾人印象係有前冇後，對漢諾威同科隆都可以開出4:3波膽，防線同紙造冇分別；最重要係，賀芬咸作客會再踢低一班，近3戰全敗加埋更已5戰不勝，就算傷兵唔多依舊信唔過。