史雲斯平手盤「侯」擒  單單喺12月史雲斯踢過3輪英超已經輸成2場咁多，不過唔好咁快就睇死佢哋，始終不敵嘅對手係大勇嘅韋斯咸同埋熱刺，其餘場次對番普通對手就唔同講法，相信今次作客侯城都唔會例外！（周六17，now625台周六11:00pm直播） 任何一隊中游球隊對住曼城、韋斯咸，同埋熱刺都唔敢話自己能夠保到不敗，所以史雲斯輸晒以上賽事都係情有可原；睇番佢哋早前對住昆士柏流浪都叫做贏到，加埋龍門法比安斯基停完賽可以復出嘅好消息沖喜，作客侯城讓球開平手盤簡直係坐走望贏。