熱刺讓主淋「尼」盡致    一個字「炒」！英超第17輪賽事最強弱懸殊戲碼，熱刺周中聯賽盃殺入4強士氣大振，球隊表現亦有愈打愈順嘅感覺，今晚喺白鹿徑主場出戰般尼，完全係獅子撲兔之勢，咁嘅對踫「讓主」竟然有超過2倍，瞓身支持啦。（周六20，now622台周六11:00am直播） 熱刺嚟緊英超聖誕新年快車期，最惡打兩場喺28號同元旦日分戰曼聯及車路士，所以就算要留力，都唔使咁早喺今晚出手，而事實上，對手只係般尼，3分真係十拿九穩，問題係贏到幾多啫！ 介紹得「讓主」，當然對熱刺攻力有十足信心，連同上場贏紐卡素熱刺已兩連勝，當中喺12月份蘇爾達摩都有兩個入球，連呢位發咗霉嘅射手狀態都打番起，加埋哈利卡尼連續兩戰有進帳，熱刺點會入唔到波，般尼上場作客昆流都輸0:2，冇理由熱刺贏得少過昆流呀！