曼城讓主「晶」心傑作

曼城讓主「晶」心傑作 

英超早場由衛冕冠軍曼城對水晶宮，藍月亮雖然有唔少傷兵，但就已經連勝7場，富豪球會板凳深度充足，果然係唔同啲，水晶宮今次到此一遊，睇怕凶多吉少喇，曼城開「讓主」冇問題。（周六7，now621台周六8:45pm直播）

曼城喺歐聯最後兩場先後擊敗拜仁慕尼黑同埋羅馬，奇蹟地取得出線資格，同時亦喺英超連環殺退史雲斯、修咸頓、新特蘭、愛華頓同埋李斯特城，唔經唔覺已經連勝7場，唔好忘記阿古路同埋高柏尼，耶耶托托期間亦坐過波監，咁嘅人腳都攞到好成績，證明咗藍月亮兵源真係好充足，特別係林柏特加盟後成為咗奇兵，經常取得關鍵入球，而大衛施華亦已經復出，今晚乘勢喺主場出擊，攞晒3分係意料中事。
水晶宮有馬里亞柏同埋韋費特沙夏因傷缺陣，加上連續4場英超未嘗一勝，包括賽和史雲斯、熱刺同埋史篤城，另外輸俾阿士東維拉，狀態真係麻麻，而且上屆兩次對曼城都輸晒，相信今次交手亦唔例外，捧藍月亮「讓主」唔使諗。