國米客勝「基」不可失   重返國際米蘭嘅文仙尼經過成個月嘅時間都仲未取得回歸首勝，相信連佢自已都開始心急起嚟，好在今晚佢哋只係作客降班熱門基爾禾，連呢場波都把握唔到都幾難有面目見江東父老。（周一5，無綫網絡電視301頻道周二4:00am直播） 文仙尼回歸國米之後嘅代表作真係寥寥可數，最叻仔莫過於喺「米蘭打吡戰」同AC米蘭踢成平手，不過打後就不敵羅馬同埋烏甸尼斯，怕且連佢自己都開始着急起嚟，所以上場歐霸喺穩奪首名出線資格嘅情況下出半隊主力，明顯會將矛頭直指今場波嘅對手基爾禾，就算今晚冇莫路伊卡迪、靴蘭尼斯都唔使頭痕，始終奧斯華度、柏拉斯奧，甚至係新人高華錫都有能力幫到文仙尼開齋，客勝仲有1.84倍分頭「基」不可失！