拉科主勝「爾」熟能詳 今季重返西甲嘅拉科魯尼亞應該可以暫時鬆一口氣，事關今次佢哋有主場幫手之餘，對手艾爾切唔只喺聯賽包尾，仲係「作客失球王」，睇嚟都可以終止到7場不勝嘅尷尬走勢。（周一3，香港時間周二3:45am開賽） 拉科魯尼亞踢埋呢場聯賽之後，幾日後就要喺西班牙盃作客馬拉加，不過身為護級份子當然係以聯賽行先，估計佢哋今晚會全力撲擊對手；而佢哋今晚除咗盧卡斯佩雷斯同埋路爾斯法連拿唔出得之外，幾乎能夠以「夫添」出擊，喺主場面對住「作客失球王」艾爾切有晒一切有利因素於一身，主勝仲有高水抵玩。