愛華頓一球了“士”

愛華頓一球了“士”

昨日曾經提過，“紅軍”利物浦今季表現大幅回落，其實同市死敵愛華頓亦唔執輸，戰績一樣下跌，都算同病相憐。呢粒“拖肥糖”近況更淡而無味，近四戰只得一和三負，聯賽榜只能排十名之後，今晚英超獨腳戲，對住尾三嘅昆士柏流浪，希望能夠打破近期悶局。

論雙方實力比較，加上有主場之利，愛華頓勝算的確較高。但以目前狀態，就未必有穩勝把握。始終對手為要脫離護級危險地帶，場場波都要“執生”搏命，絕對唔會輕易束手就擒，愛華頓初盤要讓到一球／球半，寧博昆士柏流浪至少可執半個盤。

愛華頓在歐霸盃分組賽篤定出線，上場對克拉斯諾達爾只派出副選上陣，留力迎戰今場聯賽好正常，證明球隊對呢三分志在必得，問題係能否贏到一球以上呢？

昆士柏流浪今季所有作客全部輸晒，的確輸到冇晒感覺。不過，球隊近期有好轉，三戰中取得兩場勝仗，對士氣有一定作用。只要在中後場加強防守力度，今仗對住態沉嘅愛華頓，未至會大敗一場。

推介：愛華頓2:1