禾堡「邦」到手開讓主   德甲今季有多蒙特大跌Watt，令到前4歐聯位之爭都幾大變數，當中預咗佢哋有一席嘅禾夫斯堡，早前連輸兩場後士氣冇散，對上3場全勝又打番起，而且日前作客里爾輕勝用力唔算多，今周返到主場似乎可以一舉殺敗柏達邦，喺歇冬前盡力拉開同其他競爭對手優勢。（周日22，有線61、64、201及203台周一12:30am直播） 禾堡今季成績咁好，中場奇雲迪布尼同列卡度洛迪古斯功勞好大，加上奧歷仍然保持上佳入球能力，禾堡今季場均攻入兩球以上入波數字僅不及大超班拜仁。 另一方面柏達邦已經4場不勝，聯賽失球數字亦好高，冇埋主力殺手杜基斯治呢場作客都好有可能被禾堡大炒一場，唔需要考慮直接買禾堡開出1.93倍「讓主」益街坊。