史篤城平手盤掠「水」  英超今晚有場五五波由水晶宮主場鬥史篤城。水晶宮近8戰僅1勝只贏過利物浦，上次主場更輸俾維拉，演出一般難怪有主場都唔使讓波開平手盤；雖然球隊目前得馬里亞柏一名傷兵，但由查馬克同杜韋加爾領軍嘅鋒線火力太差，至今15戰僅入過18球，莫因有主場之利就盲目追捧。（周六16，now633及660台周六11:00pm直播） 相比水晶宮，史篤城上輪主場3:2贏阿仙奴，之前更作客贏過熱刺同迫和最佳黑馬韋斯咸，實力絕對唔差；事實上史篤城前線主力如保贊、高治甚至約拿芬禾達斯都好Fit，捧平手盤該坐走望贏。