修咸頓上盤「般」錢走    遇上魔鬼賽程嘅修咸頓，終於喺賽程上遇上最弱對手般尼，絕對係反底最佳時機；之前接連遇着曼城、阿仙奴同曼聯，最終輸晒失盡9分，但有睇比賽讀者應該都會同意，「修頓」喺對曼市雙雄比賽雖落敗但場面其實不落下風，加上陣容上孖寶杜辛泰迪治同加斯安奴柏利皆健健康康可以候命，比利時國腳艾達韋列特亦有望復出助鎮後防，預計修頓可及時反底，讓半一值捧。（周六14，now623台周六11:00pm直播） 降班大熱門般尼近排表現有起色，一度造年4場不敗攞咗8分之多，其中主場更有迫和紐卡素紀錄；只可惜球隊上輪喺護級重要戰役作客輸咗俾昆流，多少影響球員信心之餘，米高杜夫、馬菲泰萊、禾基斯同史堤芬禾特等主力亦要全數缺陣，連敗機會大幅提高。