車仔“一”劍封“侯”

車仔“一”劍封“侯”

英超一哥車路士上兩場作客連續失分，先和新特蘭，再敗於紐卡素腳下，一衆“車手”北上真係冇運行。連失四分後，被“阿二”嘅曼城已越追越近，祇有一場波之差，車仔絕對不容再失。今晚返到自己地頭迎戰排尾三嘅侯城，應該冇得輸，問題係可唔可以全取三分，又或者係可以贏到幾多球。

初盤開出車路士就要硬讓兩球，好老實講句，要齋贏三球才有純利，的確唔划算，一個唔覺意畀侯城先入一球，車仔就要入四球，又談何容易呢？雖則車仔鋒力的確唔差，但唔同西甲嘅皇馬與巴塞咁具效率，特别遇上刻意踢防守的球隊，經常顯得束手無策，對住新特蘭就係最佳例子。何況今仗仲要入三、四球！所以贏波輸盤機會相當高，寧博下盤嘅侯城好過。

侯城今季踢作客仲穩陣過主場，八場作客係一勝四和三負，敗率不足一半。今晚對住強勁嘅車仔，必定大踢守勢足球，但求能夠搶得一分，就算輸波亦未必慘敗收場。正如標題所寫“一劍封侯”，即係最多輸一球。

推介：車路士1:0