捧白禮頓和局得「米」 英冠今晚有場獨腳戲，由兩支下游球隊白禮頓對米禾爾；白禮頓贏完韋根之後已4場不勝，再一次跌到護級區域，近3戰失8球更顯示防線無能，睇嚟領隊希比亞都唔坐得耐。而佢哋今戰主場對米禾爾，對手雖然都係頹勢但主隊都唔見得有贏面，呢場可能都係握手言和。（周五28，無綫網絡電視301頻道周六3:45am開賽） 米禾爾6場不勝，上仗更加喺主場大敗予米杜士堡1:5，防線一樣漏水，如只計作客更已經9場未贏過，不過睇番佢哋又唔係一無是處，至少近7戰佢哋6場有波入，呢場撞正主隊一樣唔識守，睇嚟好大機會出現一場各有入球嘅和局。