荷華高斯「支」持讓主  玩荷甲逢係中下游對碰只要睇吓近況就得，睇番主隊荷華高斯由10月尾開始就連場擊敗對手，相反今仗對手多德勒支就未有好表現，實在諗唔到有乜理由開唔到主勝，大膽些少可以吼埋1.72倍「讓主」！（周五6，香港時間周六3:00am開賽） 多德勒支除咗喺季初贏過海倫芬之外，打後全數聯賽賽事唔係和就輸埋，由9月尾開始連輸9場荷甲未止到血，睇嚟下季都會喺荷乙同大家見面。反之荷華高斯就仲有得救，10月尾開始連贏安曼、伊高斯，同埋海牙都唔出奇，不過贏到級數較自己為高嘅海倫芬以及烏德勒支就認真唔簡單，近況唔錯有埋主場撐腰梗係吼實「讓主」。