雙「昂」之戰讓主秤先 法甲里昂會喺今晚出擊，喺主場迎戰卡昂。里昂喺今季法甲第三勢力，球隊今季成績咁好主要係一班年輕球員開始成熟，包括今季已入14球嘅拿卡錫迪、中場費基亞以及後衛哥倫天杜利素，佢哋全部係90後，令里昂三線充滿活力；此外，里昂主場賽績特別出色，近7場比賽贏晒，今晚正好有主場之助該有力贏波贏盤。（周五26，無綫網絡電視302頻道周六3:30am直播） 卡昂依家排喺第19位，僅得失球差好過巴斯蒂亞少少唔使包尾，實力如何讀者心中有數；事實卡昂季初贏過兩場後，絕少展現戰鬥力，近6周聯賽2和4負，雖然作客迫和過摩納哥，但當時摩軍傷兵滿營又有歐聯後顧，以表現計今晚大敗機會高。