西維爾招「積」開讓主

西維爾招「積」開讓主
 
勢估唔到，西維爾喺歐霸G組竟然未出線仲有出局危機，好在佢哋今晚有主場之利，對手更係出線直接競爭對手，克羅地亞代表列積卡，以球隊主場威力應可順利全取3分晉級，「讓主」信得過。（周四14，香港時間周五4:05am開賽）
西維爾喺G組得2勝2和1負，仲落後飛燕諾排喺第2位，由於領先列積卡僅1分，故此今晚有乜三長兩短就要執包袱，相信成班球員都會醒醒定定作賽；好在西維爾今晚始終有主場之利，而球隊主場賽績係近10戰8勝2和，一哥飛燕諾到訪都要輸0:2先返到荷蘭，加埋球隊手執正式比賽3連勝佳績，卡路士巴卡等鋒將腳風都順，要開「讓主」唔難。
列積卡至今有7分，但佢哋造訪飛燕諾同包尾嘅標準列治都係輸0:2收場，球隊亦啱啱聯賽作客0:3大敗俾薩格勒布戴拿模，客場咁差唔似可偷雞。