慕遜加柏見慣「世」面

慕遜加柏見慣「世」面
 
歐霸盃A組賽事，慕遜加柏會喺主場對瑞士蘇黎世，鑑於兩隊都未肯定出線，所以惡鬥在所難免，考慮到慕遜加柏啱啱喺德甲贏波復甦，整體實力又喺蘇黎世之上，2倍嘅「讓主」梗係冇問題啦！（周四5，有線63台周五2:00am直播）
慕遜加柏傷兵唔多，只有托賓麥斯、史蘭斯同埋達侯特唔踢得，其餘主力好似麥斯古斯、拉菲爾基達奴、靴爾文、安達夏恩，同埋夏薩特親生細佬杜根夏薩特都可以落場，最重要係球隊終止咗5場不勝頹勢，上周德甲以3:2力克哈化柏林，喺12月份取得一個好開始，而且目前於歐霸A組未嘗一敗，雖然話和波攞1分都肯定出線，但為免另一邊廂維拉利爾贏波後搶走小組首名，預計慕遜加柏一定會搏命，主場出擊值搏。
蘇黎世啱啱喺瑞士超級聯賽輸波，作客1:2不敵杜安，近3場賽事只錄得1勝2負，狀態唔算好，加上目前喺歐霸A組手握7分，是役一定要贏先有機會出線，換言之要焗攻，面對擅長穩守突擊嘅慕遜加柏肯定冇運行，何況德甲同瑞士超嘅水準有高低，慕遜加柏2倍嘅「讓主」易食啦！