卡拉巴克主勝得「米」   歐霸F組肯定首名晉級嘅國際米蘭將作客去到阿塞拜疆對卡拉巴克。國米冇嘢好爭，教頭文仙尼肯定將焦點放喺周末聯賽作客基爾禾，今晚或送個順水人情俾要爭出線嘅卡拉巴克，主勝值博。（周四3，有線64及203台周五1:00am直播） 阿塞拜疆一哥卡拉巴克喺分組得5分，同聖伊天一樣，但由於佢哋作客聖伊天踢成1:1，有一個作客入球（首循環雙方打成0:0），今晚如果贏到國際米蘭就肯定出線，難得有埋主場之利肯定唔會錯過呢個黃金機會，球隊今輪亦冇傷冇病可以「夫添」出擊，主勝有2.35倍分頭好抵玩。 國際米蘭分組有11分肯定首名晉級，教頭文仙尼識計數呢場肯定唔會博，事關佢上任後聯賽先後輸咗俾羅馬同烏甸尼斯，有理由相信本周末作客對基爾禾比賽先係佢目標，今晚盡出副選好難攞分。