西維爾爆“列”出線

西維爾爆“列”出線

衛冕歐霸盃冠軍嘅西維爾，明晨將要迎戰克羅地亞球隊列積卡，爭奪晉級十六強資格。雖然和波都可出線，但主場出擊，在幾萬“粉絲”面前，一於攞彩攞到盡，實行殺到對手落花流水。

列積卡在克羅地亞聯賽屬爭標分子，當然有一定實力，不過踢歐戰對住歐洲五大聯賽球隊，始終仍有些少差距，今仗更要作客對住上季歐霸盃盟主，相信難以發圍。初盤西維爾硬讓球半，捧西維爾贏波贏盤。

西維爾今季在西甲表現相當不俗，聯賽榜暫列第四位，祇居皇馬、巴塞及馬體會三大豪門之後。主場表現更加出色，今季所有賽事未曾一敗，近三戰全勝兼攻入十一球。球員狀態十足，巴卡與賓尼加一對南美雙煞更加銳不可擋，足以殺破對手。

列積卡只得一條生路，就係一定要贏，唯有與西維爾鬥攻，不過可能會導致大敗。值得一提列積卡陣中頭號危險人物卡拉馬歷，呢位克羅地亞國腳殺傷力驚人，聯賽入廿一球，歐霸盃五球，西維爾防線不可不防。

推介：西維爾3:1