馬體勢勁“拉”唔住

馬體勢勁“拉”唔住

西甲衛冕冠軍馬德里體育會今晚主場恭候拉科魯尼亞，主隊周中歐冠盃大勝一場士氣正盛，誓必一鼓作氣拿下狀態頹爆的拉科，免被領頭羊皇馬愈放愈甩。馬體會教練施蒙尼有料係人都知，成為其他豪門挖角對象並不出奇。會長施里蘇重申施帥季尾不會離隊：“球迷、球員個個都中意佢，點解會解僱佢呢？”

有迪亞高哥斯達等主力離隊的馬體會，至今始終踢唔出上季的霸氣，雖然聯賽八勝二和二負成績絕不失禮，只是不敵弱旅皇蘇、被中游球隊華歷簡奴摸和無辜失分，正正係欠缺霸氣的表現。目前，馬體會落後榜首皇馬四分，為免衛冕之路再受挫，餘下賽程不容有失，幸新援文迪蘇傑傷癒後全面回勇，周中歐冠盃連中三元成為大炒對手功臣，加上今仗對手拉科魯尼亞三和一負的低迷近況，聯賽十二場失廿一球的防線同紙紮包無分別，隨時再演入球騷。

施蒙尼唔離馬體

上季替馬體會重奪西甲兼打入歐冠決賽的施蒙尼，一直有不少大球會邀請過檔執教。有傳他明夏或離開馬體會。但施里蘇否認傳聞：“根據我所知，施蒙尼與馬體會仍有一份年期很長的合約。球隊與他相處得好開心，球員們十分尊敬他，球迷更為他瘋狂。如此出色、受歡迎的教練，我搵唔到要炒佢嘅理由！”

皇蘇為莫帥爭氣

此外，聯賽下游浮沉的皇家蘇斯達主場鬥艾爾切，新教練莫耶斯取得領軍後的首捷，憑前鋒卡路士韋拿連中三元，三比○大炒對手，賽後積十三分暫時升上十二位。莫帥賽後激讚球隊表現：“今仗表現較我領軍首仗對拉科時更好，尤其韋拿狀態弗爆，成為球隊的關鍵先生，全取三分實至名歸。”只是，莫帥竟然話對西甲球證的水平感到吃驚，比英超明顯下降不少。這位前紅魔主帥語出驚人，唔知會唔會成為球證執法水平低的反擊對象。