辛尼特上盤「加」注捧

辛尼特上盤「加」注捧 
 
歐聯C組賽事，辛尼特同賓菲加都拎住4分，尚餘兩輪賽程之下，出線絕對有價講，不過大前提當然係今晚贏波啦，鑑於實力接近，主場之利將會成為關鍵，辛尼特讓平手、半球捧上盤。（周三5，有線61、64、201及203台周四1:00am直播）

辛尼特早前經歷咗個小低潮，先喺俄羅斯盃出局，繼而喺歐聯不敵利華古遜，俄超再負泰歷克，不過佢哋上周聯賽已經擊敗古賓反底，而且陣中幾位主力包括韋素爾、侯克、荷西朗頓、查維加西亞同埋艾沙維全部冇傷冇病，可強陣應戰。

賓菲加客場賽績差

賓菲加4連勝，不過近3場作客賽事只係取得1勝1和1負，離開主場就唔算好標青，今晚仲要山長水遠出征俄羅斯，可以預期佢哋嘅表現會打折扣。兩軍喺C組首循環交手嗰陣，賓菲加主場都輸0:2，而且2012年作客辛尼特亦輸2:3，頗有格食格嘅味道，適逢兩軍出線仲有價講，捧有地利嘅辛尼特絕對合情合理，足智彩有讓球盤提供，辛尼特少讓平手、半球唔過份，買上盤等於用一半搏全格，用機會率層面去分析，絕對值得出手押注，各位買上盤莫遲疑。