阿仙奴和局「特」別推介

阿仙奴和局「特」別推介 
 
歐聯第5輪迎來阿仙奴多蒙特大戰。之但係一場表面打得燦爛嘅波，到頭來可能變成一場協議球賽，先係兩軍今場賽和已肯定攜手出線，再嚟高普日內有可能突然搖身一變成為阿仙奴新帥，令今晚一戰好似冇晒競爭意味，唔使考慮太多一於捧和局。（周三13，有線61及201台周四3:45am直播）

多蒙特一早喺D組連贏4場奠定出線資格，形勢上只要今場賽和阿仙奴就肯定首名出線；而另一邊廂阿仙奴上場打和安德列治，就算今場贏咗多蒙特，都要寄望多蒙特最後一場失分至有可能取得首名，喺兵工廠喺傷兵滿營下，相信寧願留力聯賽好過。

高普雲格帥位同不穩

兩軍今季喺聯賽表現都相當差劣，先係多蒙特上周打和柏達邦，要明白德國足球文化不會念舊情睇教練過去豐功偉績，所以高普係有極大下台壓力；而同一時間，阿仙奴聯賽連輸兩場跌到第8，雲格嘅執教水準已得唔到球迷信任，有調查更指，現時係雲格執教阿仙奴咁多年以嚟，首次出現希望雲格離任嘅人更多，短期內管理層睇怕都要做啲嘢定民心。
無獨有偶嘅係，近期傳得最火熱，傳接任雲格嘅人，正正就係多蒙特教頭高普，而高普早前喺一個訪問透露，自己如離開多蒙特，下一站肯定係英超，今次到訪酋長真係順理成章見埋對方高層，先唔好諗高普係咪即時上任，但對於今場賽果似乎點都有啲影響。

各有隱憂難分勝負

事實上就算撇開以上陰謀論唔講，呢場雙方打真軍都好有可能出現和波賽果，先係阿仙奴防線陣容不整，哥斯尼未出得仍然係蒙利爾打中堅，就算多仔有馬高列奧斯重創唔打得都起碼入到1至2球，而阿仙奴今場前線應該冇韋舒亞，山齊士啱啱對曼聯一場體力消耗大，今場隨時唞唞俾禾確特打正選都唔定，主隊都唔會有太多入球，今場左計右計都係和波，呢口3.3倍和局絕對可以大注捧場。