士砵亭讓主「博」得過 歐聯G組兩支尾列球隊士砵亭同馬里博爾將會碰頭。主隊上輪大炒史浩克4:2，前線拿尼今季重生令球隊攻力大幅增強，球隊今輪亦僅有梅里斯奧山度士要坐波監缺陣，其餘主力好似威廉卡維奴、施利文尼以及費迪蒙迪路都可候命，最終贏波贏盤而回一啲都唔出奇。（周二8，有線63台周三3:45am直播） 斯洛文尼亞代表馬里博爾上輪爆冷以1:1迫和咗車路士，但睇番再前一輪佢哋作客車仔輸0:6，似乎呢隊波主強客弱問題都幾明顯；事實上翻查數據，可以發現馬里博爾作客葡萄牙真係冇乜運，之前面對布拉加都輸到1:5完場，有晒往績支持下，絕對可放心捧士砵亭贏波全取3分。