巴迪讓主大展鴻「圖」

巴迪讓主大展鴻「圖」
 
歐聯H組賽事，巴迪出線機會雖然好微，不過贏波至少可保踢歐霸希望，戰意唔慌差得去邊，加上提前晉級嘅波圖講到明出B隊，事先張揚會讓路，巴迪2.55倍「讓主」唔買都對唔住自己啦！（周二3，有線64及203台周三1:00am直播）

巴迪今仗只有卡加殊一位傷兵唔踢得，其餘主力都可候命，而且佢哋喺本土嘅白俄羅斯聯賽有強勢發揮，連續兩仗以4:0大炒對手，球員嘅信心增強不少，兩位腳風超順嘅射手包括施尼域治同埋哥迪卓克將會主宰今仗勝負關鍵。

波圖攞咗10分喺手，已經篤定晉級歐聯16強，是役未踢已經講到明用B隊參戰，當中再食多張黃牌就要停賽嘅馬爾干彭利拿，將會先列後備，目的當然係洗牌，而荷蘭國腳馬田斯恩迪亦因為受傷嘅緣故，並冇跟隨大軍去白俄羅斯。

巴迪望降格踢歐霸

雖然巴迪喺數字上好難出線，但如果再攞多3分，就好大機會鎖定小組第3名，降格征戰歐霸，幫球會庫房賺多啲錢，故預期今仗戰意一定好，畢竟波圖篤定晉級都要讓一球，實在有啲盲目，捧巴迪2.55倍「讓主」絕對有根有據。