巴塞隆拿讓客「尼」料

巴塞隆拿讓客「尼」料
 
美斯啱啱做咗西甲射手王，依家嘅巴塞隆拿絕對可以話係氣勢如虹，而就算球隊已穩奪出線權，都仲有個首名出線資格要爭，今晚作客榜尾尼科西亞而僅要讓一球咁少，捧「讓客」應冇走雞。（周二5，有線62及202台周三3:45am直播）

冇錯巴塞係已經出咗線架啦，但係咁喎，佢哋依家分組仲落後緊巴黎聖日耳門1分，如果想以首名資格出線以免16強唔好彩遇到強手，今晚其實唔會過份留力；另外，美斯啱啱先喺過去周末主場5:1大炒西維爾比賽完成帽子戲法，更以253球成為西甲射手王，狀態咁好自然有利爭取「士哥」啦！再講巴塞其實唔止得美斯一個，蘇亞雷斯、尼馬個個都有自己一個搵食能力，對手根本防不勝防，初盤只係開佢哋讓一球低水，明顯就係預佢哋會贏好多，放心捧場啦。
主隊尼科西亞雖然係歐聯常客，但咪又係分組賽貨仔；冇錯佢哋至今1和3負但只係失過4球，防守力好似唔錯，但慘在唔識攻嗰吓死呢，全場俾巴塞圍住攻，講真以一隊已出局球隊嚟講真係唔信佢哋會有咁好鬥志囉，一於捧定對家啦。