羅馬上盤百發百「中」

羅馬上盤百發百「中」
 
歐聯E組拜仁一枝獨秀，但邊隊陪佢哋出線就仲有排爭，其中莫斯科中央陸軍主場對羅馬可以話係6分波。中央陸軍上輪雖作客搞掂曼城，但總結而言近況只係一般，初盤開羅馬讓波好合理。（周二2，有線61及201台周三1:00am直播）

中央陸軍上輪作客搞掂曼城，兩輪對住藍月亮攞到4分，但留意佢哋之前對拜仁同羅馬都輸，再睇番曼城今季歐聯差劣表現，真係唔好睇到賽績水準太高；再講，中央陸軍除咗贏曼城場波，近期喺聯賽其實接連輸咗俾辛尼特、莫斯科戴拿模以及卡斯洛達，近況肯定唔係想像中咁好，加埋兩名中場外援拉斯慕斯伊姆以及尼曹都肯定因傷缺陣，難怪初盤唔係中央陸軍要讓波。
羅馬踢到依家同樣得4分，但最主要原因只係俾拜仁雙殺，睇佢哋意甲連贏拖連奴以及阿特蘭大，狀態明顯冇問題；至於人手方面，馬爾干同恩加麥比華都唔打得，但艾斯托利以及史杜特文則已先後復出，前線托迪、迪斯度、謝雲奴以及拿積等亦全數可以候命，呢場6分波都係信佢哋多啲，作客仍開佢哋讓平半可放心捧場。