曼城求“仁”不易

曼城求“仁”不易

曼城近兩三年在英超都算“也文也武”，只可惜出到去踢歐冠又好似未入流，今季在分組賽同樣毫無霸氣，四戰只得兩分，要出線認真艱難，除要連贏之外，仲要睇人面色，明晨對住同組最強嘅拜仁慕尼黑，除非對手放軟手腳，否則都幾難過關。

拜仁四戰全勝已穩奪出線資格，今戰雖屬例行賽事，但身為世界頂級勁旅，有頭又有面，相信絕對唔會“揸流攤”，球員落到場比賽亦唔會認輸收場，唯一蝕章係今場作客要讓曼城平手 / 半球，盡地一煲嘅曼城雖然要擊敗拜仁相當困難，但始終主場有利，應可站於不敗之地，捧拜仁隨時輸盤。

曼城今場有費南甸奴與杜尼停賽，大衛施華又繼續因傷缺陣，中場組織進攻與防守都受到極大影響，靠一個阿古路單天保至尊，“藍月亮”的確毫無贏波本錢。

相反，拜仁人腳相當完整，列比利與“小豬”舒雲斯迪加等相繼復出，強陣出擊真係想輸都難，問題在於戰意方面，出硬線情況下，拼搏程度唔多唔少有保留，和波應該係合理戰果。

推介：和波2:2