「漢」好不來梅受讓半一

「漢」好不來梅受讓半一

前幾季漢堡迎戰雲達不來梅都算係前列大戰，又點會估到去到今季竟然淪為護級混戰？當中不來梅由史基列歷克接手之後大有好轉，護級戰都係打度氣，受讓半、一要硬下盤。（周日35，有線61、64、201及203台周日10:30pm直播）

點諗都諗唔到明點解漢堡有能力讓到半一咁辣，尤其係前鋒麥斯比斯達、中場伊利斯域、積拉錫、後衛拉積高域，甚至係龍門艾達都仲未出得，以上幾個都係有名有姓嘅主力之一，而佢哋喺近幾場波又不敵哈化柏林、拜仁，同埋禾夫斯堡，淨係靠個12碼贏過利華，靠個主場根本冇能力讓到半一。相反不來梅改由史基列歷克接手之後連贏緬恩斯以及史特加，而傷兵就僅得巴菲迪、雲夏基，同埋馬朗布舒，首席射手迪山度冇病冇痛可以落場，一來一回有得受讓半一，真係冇乜理由唔要下盤。
尾場史特加上仗不敵不來梅已經夠晒樣衰，好在對手奧格斯堡喺最近4場作客只係入到1球實在好難畀到任何威脅，兩邊都爭唔落，轉吼「細」仲好。（周日42，有線61、64、201及203台周一12:30am直播）