紐卡素W扭轉乾「昆」   紐卡素領隊柏祖唔知係咪拜得神多，竟然得到助力令喜鵲班球員咁生性係咁幫佢贏波，正式比賽5連勝僅失1球賽績甚至好過所謂「Big4」球隊，今周對手仲要只係昆流，要再下一城冇難度。（周六31，now633及660台周六11:00pm直播） 其實好多人都知紐卡素人腳好好，只係領隊柏祖冇料到唔識用，但近期班波肯俾心機，自動波都整個5連勝仲要只失1球，期間更打起咗個西班牙新星艾約斯佩雷斯，就算施安迪莊等長期傷兵依然唔出得相信唔會有影響；至於昆流重用伊度亞度華加斯後表現好咗，可惜一見今季作客7戰全敗劣績已唔使再講嘢，主勝放心捧場。