車路士「布」局開讓和

車路士「布」局開讓和
 

經過國際賽唔少唔多都會對勁旅造成影響，不過對於榜首車路士嘅影響就未必咁大，始終兩大射手迪亞高哥斯達同埋雷米喺呢段賽期得到足夠時間休息，要喺史丹福橋少勝西布朗簡直係易如反掌啦。（周六27，now622台周六11:00pm直播）

「藍戰士」隊中有唔少國腳人馬，固然幾件巴西兵，亦都包括夏薩特、加利卡希爾、艾斯派古達等人踢過國際賽，不過最重要嘅迪亞高哥斯達同埋雷米就獲得休戰，呢兩位前鋒肯定夠體力踢足90分鐘，對住近期喺主場迎戰紐卡素都要輸波嘅西布朗點衰都會有球波喺手先啦。
不過要小心車路士下場就要作客由迪馬堤奧領軍嘅史浩克04，一向謹慎嘅摩帥為爭歐聯分組賽首名應該會稍作留力，一旦領先隨時又會擺出個「大巴陣」死守到尾，當然大熱主勝仲要得過，偏偏「讓主」僅得1.58倍就唔多值博，反而半冷「讓和」就係值得攞嚟做過關冷腳。