史雲斯讓客有「城」意

史雲斯讓客有「城」意
 

曼城主場對史雲斯？如果係上季孫公肯定諗都唔諗就捧「讓主」，但今時唔同往日嘞，曼城今季個個好似食咗豬油膏咁，傷兵又多，上輪主場反勝阿仙奴士氣大振嘅「白天鵝」受讓有計，要「讓客」。（周六30，now621台周六11:00pm直播）

事實上曼城雖然有主場之利，但佢哋近6場正式比賽其實僅一勝贏曼聯，但如果唔係史摩寧自己傻仔攞個紅牌，分分鐘連呢場都搞唔掂；事實上藍月亮今季似乎冇咗度氣，得一個阿古路保持到水準，今晚球隊仍有高柏尼、高拉洛夫、大衛施華同迪斯高等傷兵，而下周中又有場歐聯主場對拜仁慕尼黑嘅生死戰，變相今場波真係搏又死唔搏又死，諗多咗對球隊反而冇乜着數。
相比之下史雲斯國際賽前主場2:1反勝阿仙奴，球隊啱啱又同韋菲特邦尼傾掂數續約，樣樣都係好消息；而中堅費達歷高費南迪斯受傷，基爾巴特利上場對阿仙奴一樣出息，唔怕影響防守下受讓有計。