畢爾包上盤惹人「愛」 西甲都有早場開打，受惠嘅有喺歐聯受盡折磨畢爾包；畢爾包今季兵力不加反減，如斯陣容出戰歐聯同送死無異，結果真係提早出局，不過咁都好，至少佢哋現時唔會再放心機喺歐聯，嚟緊聯賽成績應有好轉，今晚佢哋喺新聖馬美斯球場出賽點計都有威力，愛斯賓奴睇嚟難逃輸波命運。（周五21，香港時間周六3:45am開賽） 愛斯賓奴一如季初所料，現時戰績都係浮浮沉沉，最近4場佢哋更正值低潮僅2和2負，當中主場出戰連拉科都贏唔到最令人失望，相對上，雖然畢爾包受歐聯拖累，但爛船都有三斤釘，佢哋季內主場先後贏過拿玻里同西維爾，尤其知歐聯無望後，近4場仍哋取得2勝1和，上場作客和華倫更有多次贏波機會，明顯復甦下今場唔捧主隊讓半一點得。