撐卡迪夫上盤打「雷」   英冠有兩支近年降班球隊正面交鋒，卡城教頭換完一個又一個，但呀班主陳生咁鬼鍾意玩嘢，都冇幾多個教頭肯投效，而現時教頭史利特都唔見得有咩料，卡城近4戰僅1勝，唯獨一點可取就係主場已4連勝，贏到森林、列斯聯等對手，而今場對手雷丁亦係地頭蟲，睇怕都冇條件作客偷雞，主隊似乎都讓得起平半。（周五23，香港時間周六3:45am開賽） 雷丁上季打到第7位，雖然緣盡附加賽，但始終實力上有一定保證，不過近況上佢哋8戰只贏兩場，要短期內翻身睇怕冇咩可能；而事實上，佢哋今季聯賽作客僅取1勝，近3場連續不敵布力般、般尼茅夫以及賓福特，期間入球數字嚴重偏低，所以即使呢場對手實力平平，睇嚟佢哋取分機會都唔高。